ட்ரைலருக்கே ட்ரைலர் விடும் காலமிது..

படத்தின் மேல் கிளிக்கினால் படமூலம் அறியலாம்

இன்று எல்லா துறைகள் பற்றியும் எழுதுபவர்கள் உண்டு. படைப்பிலக்கியம் தாண்டி தமிழில் எழுதப்படுவதற்கு என நிறைய துறைசார்ந்த இடங்கள் காலியாக முன்பு இருந்தன. இவ்வொன்றாக பூர்த்தி செய்யப்பட்டு வருகிறது.

சரியோ தவறோ.. துறைசார்ந்த எழுத்துக்கள் தமிழில் அதிகமாகிவருவது கவனிக்கத்தக்கது. அதிலும் பொருளாதாரம் பற்றி தமிழில் எழுதுவதற்கு சரியான நபர்கள் இல்லாதிருந்தது. அதிலும் கூட இன்று பலர் வந்துவிட்டார்கள். எனக்கு தெரிந்து மிச்சமிருக்கும் துறைகளில் இசையும், மோட்டார்வாகனத்துறையும் மிக முக்கியமானதாக எனக்குப் படுகிறது.

மோட்டார் வாகனத்தை பற்றி எழுதினால் கிடைக்கக் கூடிய பிரபலம் மிகவும் குறைவு. அதில் ஆர்வமிருப்பவர்களைத்தவிர வேறு யாருக்கும் நாம் தெரியாமல் போய்விடக்கூடிய அபாயமிருக்கிறது என்பதால் இசை பற்றி எழுதலாம் என்று நினைக்கிறேன்.

புகைப்படத்தின் மேல் சொடுக்கினால் படமூலம் அறியலாம்.

வீட்டுக்கு அருகில் இருக்கும் கோவிலில் தினம் ஒரு கச்சேரி நடத்திக்கொண்டிருக்கும் தேங்காய் மூடி பாகவதரிடம் கேட்டறிந்து, ஆறோ கணம், ஏழோ கணம், எட்டோ கணம் மற்றும் அவரோ கணம், இவரோ கணம்னு பல விசயம் கத்துவச்சிருக்கேன்.

தேங்காய் மூடி பாகவர்ன்னு சொன்னதும் சாதாரணமா எட போட்டுறாதீங்க. பாடி முடிச்சுட்டு தேங்காய் மூடி வாங்கீட்டு போற மாதிரியான பாகவதர் இல்லை இவர். தேங்கா மூடியைப் பார்த்ததுமே பாடத்தொடங்கி விடக்கூடிய பாகவதர். இவருக்கு பயந்தே, இவருடைய மனைவி, அண்ணாச்சி கடைசில தேங்காய் வாங்கும் போது, அங்கேயே உடைத்து, தேங்காய்ச்சில்லுகளாக துண்டம் போட்டுத்தான் வீட்டுக்கு கொண்டு போவாங்க. பின்ன.. முழுசாவோ, உடைச்சோ மட்டும் போனால்.. அதைப் பார்த்தும் மனுசன் பாடஆரம்பிச்சுடுவாரே.. அதனால தான் இப்படி.

படத்தின் மேல் கிளிக்கினால் படமூலம் அறியலாம்

ஆம் நண்பர்களே… என் அடுத்தபதிவு.. இசைவிமர்சகராகக் காட்டிக்கொள்ளுவது எப்படி? அல்லது இசைவிமர்சகராகலாம் வாங்க.

பஸ்ஸு-ல் கூட வீடியோ பஸ்ஸாக்கி, அதிலும் பாட்டுப் போட்டு (நேயர் விருப்பமெல்லாம் வேற நடக்குது ) மகிழும் மக்கள் நிறைந்த வலையுலகில் இசை விமர்சனம் பத்தின பதிவும் நல்லாவே எடுபடும்னு நம்பறேன். படிச்சுட்டு ஓட்டெல்லாம் ஒன்னும் போட வேண்டாம் மகாஜனங்களே, அதுனால தைரியமா வாங்க. (எப்படியெல்லாம் மார்க்கெட்டிங்கு பண்ண வேண்டியிருக்குது… ஸ்ஸப்பா…. )

ட்ரைலருக்கே ட்ரைலர் விடும் காலமிது என்பதால்.. காற்றுள்ள போதே தூற்றிக்கொள்ளலாம் என்று நினைக்கிறேன்  அதனால வரப்போகும் பதிவுக்கான ட்ரைலர் தான் இது.  🙂

படத்தின் மேல் கிளிக்கினால் படமூலம் அறியலாம்

—-

அது- ஆரோகணம், ஆறோகணம் அல்ல என்பது மாதிரியான பின்னூட்டம் போடுபவர்கள் யாராக இருந்தாலும் நான் பிரபலபதிவராகும் முயற்சிக்கு எதிரானவர் என்பதை மனதில் கொள்க. எழுத்துப்பிழையோடு எழுதினால் தான் பிரபலமாக முடியும் என்று எனக்கும் ஒருத்தர் 50பைசா தபால் அட்டை போட்டிருந்தார் என்பதையும் இங்கே பதிவு செய்ய ஆசைப்படுகிறேன். (ரொம்ப காலமா அப்படித்தான் எழுதிகிட்டு இருக்கேன். ஆனா.. பிரபலம் தான் ஆகமுடியலை 🙁 )
200

This entry was posted in இசை, தகவல்கள், நகைச்சுவை, விளம்பரம் and tagged , , , , , . Bookmark the permalink.

13 Responses to ட்ரைலருக்கே ட்ரைலர் விடும் காலமிது..

Leave a Reply

Your email address will not be published. Required fields are marked *

Note: This post is over 5 years old. You may want to check later in this blog to see if there is new information relevant to your comment.